LAOAG CITY – Napaltogan ti maysa a lalaki iti District 1 Superclub iti Brgy. 2 ditoy siudad ti Laoag.
Nabigbig ti biktima a ni Arwin Domingo y Cristobal, agtawen ti 35, awanan asawa ken residente iti Brgy. 1 ditoy suidad.
Iti inisyal nga imbestigasyon, agtrabtrabaho ni Domingo kas pintor iti nasao a pasdek gapu ta matartarimaan ken aglukat baro a cafe.
Idi ta kalpasan ti panagmeryenda da ket dimteng ti riding in tandem suspect ket kellaat pinaltogan da ti biktima.
Nakarebore dagiti otoridad ti innem a kapsula ti maipagarup a kalibre 9mm a paltog.
Naitaray ni Domingo iti Gov. Roque Ablan Sr. Memorial Hospital ken dagus a naitaray iti Mariano Marcos Memorial Hospital and Medical Center iti siudad ti Batac gapu ti panagsagaba na ti tama ti bala ti paltog.
Rumrumwar a panagisubbot ti inisyal a motibo ti pammaltog.
Iti agdama, agtultuloy ti imbestigasyon dagiti otoridad kalpasan ti pammaltog.
Naamuan ti Bombo Radyo a nakalugan ti mio motorcycle dagiti saan pay a nabigbig a suspek.
