LAOAG CITY – Kinumpirmaran ni Police Captain Chris Anthony Sorsano, ti chief of police ti PNP-Solsona nga adda iti kustudiyar da ni Police Corporal Hector Garcia, head personnel iti nasao nga istasyon ti pulisya.
Daytoy ket gapo iti reklamo a panagpaputok na ti paltog idi rabii iti Barangay Manalpac iti nasao nga ili.
Basar iti impormasyon, naggi-inom ti nasanger ti pulis ken rumrumwar nga adda ti kinariri na a kinainuman na a nangitunda ti panagpaputok na ti paltog.
Awan met ti narekobre dagiti kameng ti PNP-Solsona a basyo ngem naamoan a naminsan laeng a pinaputok na ti service hour na.
Naamoan a napasamak daytoy iti alas-onse ti rabii ken adda iti pagtaengan da, kasta met a naka-off duty daytoy.
Mainaig iti daytoy, saan met a naglikudan ni Garcia a nagpaputok isuna ti paltog ken inadmitir na iti hepe ti inaramid na.
Segun kenni Sorsano, maisagsaganan ti pannakaipila ti reklamo kontra iti nadakamat a pulis ken nadis-armaranen daytoy.
