LAOAG CITY – Kalikagom ti maysa a Renewable Energy Developer nga agipresentar ti proyekto iti Sangguniang Panlalawigan inton Enero 14.
Basar iti suratda iti Legislative Office, daytoy ket maipanggep iti proyekto a solar power a kalikagomda nga ipatakder iti Barangay Paguludan iti ili ti Currimao.
Mainaig iti daytoy inpaima ti Presiding Officer ti surat iti Committee on Environment para iti naan-anay a pannaka-adal na.
Maipalagip a mabigbigbig ditoy probinsya ti Ilocos Norte, gapu kadagiti nagduduma a renewable projects.
