LAOAG CITY – Linagip ni Mr. Gil Tamayo, residente ti Brgy. 14 ditoy siudad ti Laoag, ti pakasaritaan ditoy siudad ti Laoag ken iti dati nga itsura ti Laoag idi napagbalin a siudad.
Kuna na a ti laeng naispalto a kalsada ket iti Rizal Street ken iti Gen. Segundo Avenue, ti dati a merkado publiko a bunggalow laeng ken iti Ermita Hill.
Segun kenni Tamayo, ibagbagana a ti Ermita Hill ti agbalin kuma a landmark ti Laoag City gapu ta idiay a makita ti siudad.
Inbatad ni Tamayo a makita ti baybay iti Gabu ken iti naawagan ti Bantay Bimmaboy manipud iti Ermita Hill idi un-una na malaksid laeng dagiti makita iti sentro ti Laoag.
Kabayatanna, saanen a makita dagitoy gapu kadagiti naipatakder a dadakkel a pasdek a pakakitaan ti panagdur-as ti Laoag.
Kuna ni Tamayo a makita laeng manipud iti Ermita Hill ti padsan river, gilbert bridge, ken ti bypass bridge.
Innayon na a ti Ermita Hill ti kaunaan a tinurong dagiti imigrante a lugar ti pagpapanganan da ken dadduma pay.
Iti agdama, ket naipatakder ti Ilocos Norte Water District iti paset ti nasao a turod.
