LAOAG CITY – Inpeksa ti maysa a residente iti Brgy. 16 iti ili ti San Nicolas a ni Mrs. Jay Rose Reondres ti pannakadismaya na iti secretary ti barangay kalpasan a saan a naikkan ti certificate of indigency.
Segun ken ni Reondres, kalikagum na koma a dumawat iti nasao a sertipikasyon para iti food subsidy nga ipaay ni Congressman Sandro Marcos.
Nu pay kasta, inbatad na a saan a napatgan ti kiddaw na babaen iti secretary ti barangay ken immuna pay iti kapitan.
Inpakaammo ni Reondres a saan a daytoy ti umuna a gundaway a nagkedked dagiti opisyal a mangited ti certificate of indigency kenkuana.
Patien na a ti posible a rason iti daytoy ket ti datin a susik da iti barangay secretary.
Kabayatanna, inlawlawag ni Barangay Secretary Mia Jane Jaquias iti Brgy. 16 iti ili ti San Nicolas nga awan ti nagan ni Mrs. Jay Rose Reondres iti listaan dagiti indigent iti barangay da rason a saan a naikkan ti certificate of indigence.
Kuna na a nagkamang kenkuana ti asawa ni Reondres tapno agsaludsod seknan iti sertipikasyon.
Inbatad na a nga inpagarup na pay nga addan ti immuna a gundaway a nakaala ti sertipikasyon ti asawa ni Reondres.
Immunan iti daytoy, kuna ni Jaquias nga inbaga na iti asawa ni Reondres a ti pagammo a ket maysa laeng ti umuwat ti food subsidy iti tunggal pamilya ken low income laeng ti maited a sertipikasyon.
Inpakaammo na a saan met a dinakamat ti asawa ni Reondres a nagsaludsod laeng rason nga inpagarup na nga awan ti nagbalin a problema.
Kabayatanna, inpetteng ti secretary nga awan ti ammo na a susik da ken ni Reondres ngem ketdi arig a daytoy pay ti saan pulos nga umasideg ken kanayun nga agibaon nu adda ti paala na iti barangay.
