LAOAG CITY – Irekreklamo ti maysa a residente iti Barangay 23 ditoy ciudad ti Laoag ti maipagarop a pannakailanglangi na iti Barangay 8 iti ili ti Sarrat.
Naamoan a ti nasao a residente ket naikamang iti Barangay 8 iti nasao nga ili.
Segun iti saanen a nagpabigbig a residente, napan da bimmisita iti Barangay 8 ken napan ti kapitan kadakuada.
Inbatad na a ti dinamag a mismo ti kapitan ket no adda isuna iti nasao a barangay ken idi nakumpirmaran ti opisyal daytoy ket maipagarop a isuna iti Barangay 23, Laoag City.
Kunana nga inlawlawag ti asawa na iti kapitan nga adayo ti balay da kadagiti Sitio a nakalockdown iti Barangay 23 ngem maipagarop a saan nga inawat daytoy ti opisyal.
Atapen ti nasao a residente nga adda ti napan nagreklamo iti kapitan ti Barangay 8.
Innayon na a ti pagsakitaan ti nakem na ket saan man laeng a nagdamag ti kapitan no sadinno a parte ti Barangay 23 ti pagtaengan da ken inpetteng na nga adayo da iti Sitio Dungtal.
Ikarkarigatan met ti Bombo Radyo Laoag nga alaan ti komento ti madakdakamat a kapitan mainaig it daytoy a banag.
