Maysa a resolusyon a pangsuporta iti pannakaipasa ti Anti-Political Dynasty Act, naipasa iti Sang Panlungsod ditoy ciudad ti Laoag

LAOAG CITY – Naipasa ti maysa a resolusyon iti Sang Panlungsod ditoy ciudad ti Laoag a pangsuportas iti pannakaipasa ti House Bill No. 6771 wenno ad-adda nga am-ammo kas Anti-Political Dynasty Act.

Daytoy ket naipasa kabayatan ti regular session ti konseho babaen ken ni Liga ng mga Barangay President  Rbee Ablan.

Patien ni Ablan a babaen iti nasao a gakat ket dakkel a makatulong para iti panakaiyurnos ti gobierno ditoy pagilian.

Maiplagip nga indasar ti kamara de representantes daytoy a gakat babaen ken ni House Speaker Faustino “Bojie” Dy III ken Ilocos Norte 1^st District Rep. Sandro Marcos a gagem a mangipawil dagiti agkakapamilya nga agpaidasig iti nagduduma a posisyon ti gobierno.

Immunan nga inbatad ni Presidente Ferdinand Marcos Jr. a kalikagom na nga iprayoridad daytoy ti kongreso.