LAOAG CITY – Inpasa ti konseho ditoy ciudad ti Laoag ti maysa a resolusyon a mangipaay ti insigida a pagluganan dagiti benepisyaryo ti government funded program kalpasan tI distribusyon.
Segun kenni Konsehal John Michael Fariñas, maobserbaran da a kalpasan ti distribusyon kadagiti government funded program ket adda dagiti benepisyaryo a magmagna paylaeng iti adayo tapno agsarak ti pagluganan da nga agawid.
Patien na a gapo iti daytoy ket narisgo iti salun-at da aglalo kadagiti kameng ti vuknerable sector kas dagiti adda rangkap ti bagina, senior citizens ken masikog.
Inbatad na a babaen iti nasao a resolusyon ket makikoordinar ti gobierno lokal ditoy ciudad babaen iti Department of Public Safety kadagiti Federation of Tricycle Association tapno tunggal adda ti distribusyon ket adda latta dagiti tricycle a naka-standby a pagluganan dagiti benepisyaryo.
