LAOAG CITY – Natay ti maysa a security guard kalpasan a naidungpar iti nakaparking a ten wheeler truck iti Barangay Valdez iti ili ti Marcos.
Nabigbig ti biktima a ni Arthur Corrales Agliday, agtawen ti 34, awanan ti asawa, maysa a security guard ken residenye iti Brgy Macayepyep iti ili ti Banna idinto nga inmaneho met ni Rafael Agustin Sarandi, agtawen ti 48, naasawaan, truck driver ken residente iti Brgy Catotoran Norte, Camalaniugan, Cagayan.
Segun kenni Police Major Jonevale Maramag, ti chief of police ti Philippine National Police iti ili ti Marcos, bayat a nakamotorsiklo ti biktima ken nadungpar na ti likodan ti nakaparking a ten wheeler truck.
Dagus met a naitaray iti Doña Josefa Edralin Marcos District Hospital ngem pimmusay bayat a matamtaming.
Kuna ni Maramag nga iwayat da pay ti naan-uneg nga imbestigasyon seknan iti nasao a desgrasya.
