LAOAG CITY – Natiliw ti maysa a security guard gapo iti panagpaputok na ti paltog bayat ti komosyon iti maysa a convenience store iti Barangay 13 ditoy ciudad ti Laoag.
Ti nasao a security guard ket agtawen ti 25, addaan ti live in partner ken residente it Barangay Balaoi iti ili ti Pagudpud.
Iti imbestigasyon dagiti otoridad, adda ti napasamak a komosyon wenno panagkakabil ngem gapo ta saan a makaaawa ti security guard ket inasot na ti kalibre 38 a paltog na ken inpaturong na iti ngato ken inputok na daytoy.
Gapo iti daytoy, inbatad ti Philippine National Police a saan a rumbeng nga inpaputok ti security guard ti paltog na.
Nanamnama met a mapilaan ti Illegal Discharge of Firearms ti Security guard ken iti agdama ket nagtalinaed iti kustudiyar ti Philippine National Police.
