LAOAG CITY – Nagballigi dagiti kameng ti Philippine National Police a nangtiliw iti maysa a senior citizen a lalaki iti paset ti Barangay 22, San Andres ditoy ciudad ti Laoag.
Nabigbig ti akusado a ni Michael Medina, agtawen ti 69, naasawaan ken residente iti Barangay 6, Bansar iti ili ti Banna.
Natiliw ti akusado babaen ti bileg ti warrant of arrest nga inparuk-at ni Judge Laebeth Vaquez, ti Presiding Judge iti Municipal Trial Court Branch 1 ditoy ciudad ti Laoag gapu iti kaso na a Falsification by Private Indibidual Under Article 172.
Nairekomendar ti 36 a ribo a piyansa ti akusado para iti temporaryo a pannakawaya-waya na.
Iti agdama, nagtalinaed ti akusado iti kustodyar ti Philippine National Police ditoy ciudad ti Laoag ken manamnama a maidatag iti naggapwan ti warrant of arrest.
