LAOAG CITY – Awanen ti anges na idi makita dagiti nagpatrolya a kameng ti PNP Laoag iti bypass road a paset ti Brgy. 55-Vira ditoy siudad ti maysa a senior citizen.
Nabigbig ti biktima a ni Santiago Q. Cabusas, agtawen ti 61 ken residente iti Brgy. 20-Pulangi iti ili ti Bacarra.
Basar iti PNP-Laoag, bayat ti panagpatrolya dagiti kameng ti kapulisan iti nasao a lugar, nakita ti biktima a nakaidda iti kalsada bayat ti arig a napandagan iti natulid a motorsiklo na.
Dita a dagus a nagresponde ti kapulisan ngem unconscious ken saan ang agreponde pay.
Gapu iti daytoy, naawagan ti tulong ti DPS paramedics ken CHO.
Kabayatanna, segun ken ni Dr. Francis Manolito Dacuycuy, ti duty City heath officer a nangiyuswat ti post mortem examination iti bangkay ti biktima, natay daytoy gapu iti cardio respiratory arrest secondary to Myocardial infarction.
Mainaig iti daytoy, mapatta-patta nga umabot iti tallo agingga iti lima nga oras ti napalabas sipud naatake ti biktima ken sakbay a nakita dagiti otoridad.
