LAOAG CITY – Pimmusay ti maysa a senior citizen kalpasan a nagbekkel iti Barangay Manalpac iti ili ti Solsona.
Segun kenni Police Captain Randy Damo, ti chief of police ti Philippine National Police iti ili ti Solsona, ti biktima ket ti agtawen ti 65, naasawaan ken residente iti nasao a lugar.
Inbatad na nga itay bigat ket nakaawat da ti tawag nga adda ti insidente ti panagbekkel isut gapo na a dagus da a nagturong iti lugar ken idi nakadanon da ken naibaban iti biktima manipud iti panangibitin na ti bagbagi na.
Kunana a basar iti imbestigasyon da, itay parbangon ket nakita ti maysa a lalaki a nakabitin ti biktima iti kusina da usar ti dua a metro a nylon rope.
Inlawlawag na a naduktalan da a ti biktima ket agsagsagaba ti depresyon gapo iti problema ti pamilya. Kabayatanna, awan met ti nakita dagiti otoridad a foul play iti pannakatay ti biktima.
