LAOAG CITY – Natayen idi nakita ti maysa a senior citizen iti merkado publiko iti ili ti Piddig.
Nabigbig daytoy a ni Victorio Bartolome Viernes, agtawen ti 76, awanan ti asawa ken residente iti Barangay 7, Sucsuquen iti nasao nga ili.
Basar iti report, nakita ti bangkay ti biktima iti sangwanan ti Comfort Room dagiti lallaki iti merkado publiko iti Barangay 2, Anao.
Kalpasan a naireport ti pannakakita iti biktima ket dagus a nagturong dagiti kameng ti Philippine National Police iti ili ti Piddig.
Iti met panangeksamin ni Dr. Chona Rabang iti Piddig District Hospital, awan ti nakita a sugat iti bagi ti biktima ken ti rason ti pannakatay na ket gapo iti hypertension.
Kabayatanna, naamoan a ti biktima ket adaanen ti nasao a sakit ken agtumtumar ti maintenance na.
