LAOAG CITY – Natay ti maysa a senior citizen a lalaki kalpasan a nagbekkel iti ili ti Sarrat.
Daytoy ti kinumpirmaran ni Police Capt. Kester Arellano, ti chief of police iti nadakamat nga ili.
Segun ken ni Arellano, ti biktima ket agtawen ti 70, mannalon ken residente iti ili ti Sarrat.
Inbatad ni Arellano a basar iti inwayat da nga imbestigasyon, sakbay ti insidente ket nagriri ti biktima ken ti asawa na gapu ta saan a sinelebraran ti pamilya ti panagkasangay ti nasao a senior citizen.
Inpakaammo ni Arellano nga iti kabigatan na ket nakita laengen a nakabitin ti biktima usar ti nylon iti likud ti balayda.
Innayon na nga iti panagresponde da iti lugar kadwa da ti Municipal Health Officer iti nasao nga ili ket naideklarar a pimmusayen ti biktima.
Inpasigurado met ni Arellano nga awan ti nakita da a foul play iti pannakatay ti nasao a biktima.
