LAOAG CITY – Natiliw ti maysa a senior citizen babaen ti bileg ti warrant of arrest nga inserbi dagiti otoridad idiay Barangay Parado, Dingras, Ilocos Norte.
Nabigbig daytoy a ni Jerry Carlos y Corrales, agtawen ti 66, naasawaan, maysa a mannalon ken residente iti nasao a barangay.
Ti warrant of arrest ket inparuk-at ni Hon. Judge Artemio H. Quidilla iti Municipal Circuit Trial Court, Dingras-Marcos a napetsaan ti Hulyo 24, 2019.
Daytoy ket mainaig iti panaglabsing ni Carlos iti Section 301 iti PD 1096 wenno ti National Building Code.
Nairekomendar met ti 12 a ribo a pisos a pyansa na para iti temporaryo a pannawaya-waya ti nasao nga akusado.
