LAOAG CITY – Natiliw ti maysa a lalaki babaen ti bileg ti warrant of arrest nga inserbi iti nagtipon a pwersa iti PNP Laoag ken PNP Solsona idiay Brgy. Bencag ditoy ciudad ti Laoag.
Nabigbig ti suspek a ni Susimo Arellano, agtawen iti 63, maysa a drayber, ken residente iti Barangay Buttao iti ili ti Solsona.
Ti suspek ket sumangsango iti kaso a panaglabsing ti RA 9165 wenno Comprehensive Dangerous Drugs Act of 2002, ken RA 10591 wenno “COMPREHENSIVE FIREARMS AND AMMUNITION REGULATION ACT” .
Nairekomendar iti 200 a ribo a pisos a pyansa ni Arellano para iti kaso na nga RA 9165 idinto a 120 a ribo a pisos para iti kaso na nga RA 10591 para iti temporaryo a pannakawaya-waya na.
Iti agdama, nagtalinaed iti kustudyar ti PNP-Solsona iti nasao a suspek.
