LAOAG CITY – Inpakammo ni Barangay Chairman Noel Quemado iti Barangay Nalasin iti ili ti Paoay a nakalockdown ti Sitio Malate iti nasao a barangay gapo iti panagpositibo iti virus a ni IN-C667.
Segun kenni Quemado, apektado iti lockdown dagiti 40 a pamilya.
Kinumpirmaran pay ni Quemado a ni IN-C667 ket kabagyan na ti exposure na a ni IN-C653 nga agub-ubra iti maysa a bangko.
Innayon na nga agtultuloy met ti contact tracing kadagiti nakapulapol ni IN-C667.
Kabayatanna, kuna ni Quemado a naiyuswat met ti Swab testing kadagiti sumagmamano a residente iti nasao a lugar.
