LAOAG CITY – Napadayawan ti agnagan ti Triston Kahookele Santos kalpasan a naisalakan na dagiti lima a surfers nga agpapada a taga Washington gapu iti panagatakar ti maysa a tiger shark.
Ti agtawen ti 20 a baro ket empleyado iti Andaz hotel idiay Wailea, Maui.
Basar iti report manipud iti police department, kinadua ni Santos dagiti lima a surfers a timmapog iti baybay idi ta timmaod ti maysa a pating nga addaan iti tallo a metro.
Segun kenni Bombo International Correspondent Manny Pascua, linabanan ni Santos ti nasao a pating babaen ti panangipalek na ti surfing board.
Awan met ti nadangran iti nasao nga insidente ken ballaigi a nakapan iti takdang dagiti lima a kakadua ni Santos.
Naited ti kangatuan a civilian honor kenni Santos babaen ti Maui Police Department.
