LAOAG CITY – Natnag ti maysa a Toyota Hiace commuter iti rangtay iti paset ti Barangay Surgui iti ili ti Paoay.
Rumrumuar a ti driver ti nasao a behikulo ket nabartek ken napaspasa ti panagpataray na idi napasamak ti insidente.
Basar iti nakalap nga impormasyon ti news team ti Bombo Radyo Laoag, agpapa-amyanan ti nasao a behikulo ken dinerderetso na ti paset ti dalan nga awan ti barikada na a nagresulta ti pannakatnag na iti rangtay.
Agpapan maisursurat daytoy a damag ket saan pay a nabigbig ti driver ti behikulo ken no ania ti sitwasyon ti maseknan.
