LAOAG CITY – Kinumpirmaran ni Police Major Roldan Suitos, ti chief of police iti ili ti Sarrat a naipulangen ti napukaw a cellphone ti maysa a menor de edad a maipagarop nga innala ti traffic enforcer a ni John Cleyton Piedad, agtawen iti 31, taga Barangay 46, Nalbo ditoy ciudad ti Laoag.
Napasamak ti insidente idi mayo 21 iti Red Jewel Resource idiay ili ti Sarrat.
Immuna ti daytoy, napan nagpatulong ti biktima iti PNP kalpasan a napukaw ti cellphone na, ken iti panangrebisar da ti CCTV naimuntar ti lugar ket nakita da ti suspek nga adda ti pinidot na a cellphone iti bag ti menor de edad.
Gapu ti daytoy, nagpila ti reklamo ti biktima ngem insanud na met laeng kalpasan a naisubli ti cellphone na.
Kabayatanna, inkalintegan ti nasao a traffic enforcer a napidot na laeng ti cellphone ngem saanna nga inreport a dagus.
