LAOAG CITY – Inyistorya ni Mr. Gerald Solomon, maysa a tricycle driver ken residente iti Baranagay Pila ditoy ciudad ti Laoag no anya ti napasamak iti maipagarop a gandat a panangdangran ti binigbig na nga empleado ti INEC.
Segun kenni Solomon, bayat nga agpaspasada no sadinno a magna iti Rizal St. ken adda ti agpaaud met a lugan ti INEC ken inranta ti driver daytoy a dalapusen isuna.
Gapo iti daytoy, nagsardeng isuna ken nagtultuloy nga agpalaud ti lugan ti INEC ngem nagsardeng met laeng gapo ta pinauna na nga agpaamyanan ti tricycle.
Kunana nga idi adda da iti General Luna St. ket nagbusina ti lugan ti INEC ken maipagarop a nagdirty finger daytoy rason a nagpaigid isuna tapno kuma paunaen na lattan ti empleado ngem n agsardeng ti lugan ti INEC iti batog na ken bimmaba daytoy a naka-iggem ti tubo.
Patien na a gapo ta ado ti tattao iti lugar ket nagamak met laeng ti empleado rason nga nagsubli iti uneg ti lugan ti INEC ken pinataray na daytoy.
Awan met ti ammo ni Solomon a basol na no apay a ginandat ti maipagarop nga empleado ti INEC a dangran isuna.
Kalikagom met ni Solomon a maaksyunan ti gandat a pannakdangran kenkuana babaen iti maipagarop nga empleado ti INEC.
