LAOAG CITY – Natiliw ti maysa a lalaki iti naiyuswat a drug buy-bust operation dagiti kameng ti Philippine Drug Enforcement Unit ti Ilocos Norte Police Provincial Office iti Barangay Ablan iti ili ti Burgos.
Nabigbig daytoy a ni Jonald Cabaleho, agtawen ti 44, naasawaan, maysa a tricycle driver ken residente iti
Naarestar ti suspek kalpasan ti panaglako na ti sachet ti maipagarop a shabu iti police pusuer buyer iti balor a 1000 a pisos ken bayat ti panangiyawat na ket ditoy a natiliw.
Malaksid iti daytoy, nakumpiskar pay dagiti otoridad ti dua a sachet a naglaon ti maipagarop a shabu, personal a kwarta a 9,795 a pisos, ID ken ti tricycle na.
Naamoan a ti suspek ket maibilang a High Value Individual ken Top 10 Regional Priority List Personality.
Iti agdama, nagtalinaed ti suspek iti kustudiyar ti PNP-Burgos ken manamnama a sumango iti kaso a panaglabsing RA 9165 wenno Comprehensive Dangerous Drugs Act of 2002.
