LAOAG CITY – Nagtalinaed a natalged ti kasasaad dagiti dua a lalaki kalpasan a nagdinnungpar iti maysa a truck ken kotse iti paset ti by-pass-road ditoy ciudad ti Laoag.
Daytoy ti kinumpirmaran ni PCI Romel Ramos, ti imbestigador ti PNP-Traffic Division Office ditoy ciudad.
Segun ti impormasyon, bayat nga agpapalaud a direksyon ti kotse nga inturong ni Rolando Pato ket kellaat a nakadinungpar na iti truck nga inturong ni Basilio Orhanes.
Gapu ti daytoy, naipasirok ti nasao a kotse iti truck a nagkarga iti nadadagsen a kargamento kas iti landok ken semento.
Nagpositibo ti maysa kadagiti drayber a ni Pato a nakainom ti nasanger.
Kabayatana, binalakadan ni PCI Ramos dagiti motorista nga agtalinaed kuma kadakuada ti disiplina tapno maliklikan ti desgrasya.
