LAOAG CITY – Inbatad ni Police Major Julius Basallo, ti chief of police ti Philippine National Police iti ili ti Pasuquin a nagderderetso iti taltalonan ti maysa a van iti bypass road a paset ti Barangay Naglicuan.
Segun kenni Basallo, ti nasao a van ket naggapo iti Gattaran, Cagayan no sadinno 11 dagiti nakalugan ken napasamak ti insidente iti abagatan dagitoy partikular iti nadanon da ti nasao a paset ti kurbaan a paset.
Kunana a gapo iti insidente ket nagsagaba ti minor injuries ti driver ken dua kadagiti inlugan na.
Naamoan a ti nakaregregan ti van ket isu met laeng ti nakaregregan ti pick-up iti kallabes.
Mainaig iti daytoy, kunana nga adda dagiti inpan da a signages ngem kurang daytoy isut gapo na nga agkiddaw da manen iti Dept. of Public Works and Highways.
