LAOAG CITY – Inpakaammo ni Police Lt. Col. Adrian Gayuchan, hepe ti Philippine National Police iti ciudad ti Batac a ma-ticketan ti drayber ti Van a nadesgrasya iti ciuadad ti Batac agarop alas dose trenta itay parbangon.
Segun ken ni Gayuchan ti drayber ket maysa a construction worker, ken ti kadua na ket maysa a kagawad iti maysa a Barangay iti ioli ti Pinili.
Kunana nga aggapo dagiti maseknan iti ciudad ti Batac a napan nagbuya ti basketball ket apaman nga agawid da iti ili ti Pinili ket ditoy a saan a nakontrol ti drayber ti manibela ti imanmaneho na van, no sadinno a naidungpar iti maysa a poste ti kuryente.
Inlawlawag ni Gayuchan a nupay natamaan ti poste ti kuryente ket saan met a nagawan ti power ti kuryente, ngem ti nasao a van ket unfunctional.
Basar ti imbestigasyon dagiti kameng ti pulis ket naammuan a nakainom ti nasanger dagiti maseknan ken awan ti silaw wenno street lights iti nakadisgrasyaan da.
Iti agdama ket natalged met dagiti dua a maseknan, ken maticketan ti driver ti van iti 750 a pisos, basar iti city ordinance ti nadakamat a ciudad.
Kabayatanna, naballaag ni Gayuchan iti publiko nga aggannad no agmanmaneho.
