LAOAG CITY – Natiliw ti maysa a wanted person babaen ti bileg ti warrant of arrest iti Brgy. 10 Estancia iti ili ti Pasuquin.
Nabigbig ti akusado a ni Harvey Ceredon y Paa, agtawen ti 32, naasawaan ken residente iti Brgy. Lydia iti ili ti Marcos.
Inserbi dagiti pannakabagi ti PNP Laoag, Regional Intelligence Division PRO1, Provincial Intelligence Unit INPPO, PNP Pasuquin ken PNP Marcos ti warrant of arrest a naggapu iti RTC Branch 12 ditoy siudad ti Laoag.
Ti akusado ket nakasoan ti Murder ken awan ti nairekomendar a pagpiyansa na.
Naipan iti PNP Laoag ni Ceredon para iti dukomentasyon ken maisubli daytoy no sadino a korte iti naggapuan ti warrant of arrest.
Ti napasamak nga insidente a nakairamanan ti akusado ket na-update iti CIRAS a nasolbaren ti krimen.
