LAOAG CITY – Nagreport iti PNP-Laoag ti agnagan ti Gemma Santos, agtawen ti 51, naasawaan ken residente ti Barangay 13 ditoy ciudad ti Laoag.
Daytoy ket gapo iti maipagarop a panagsasao ti dakes ti agnagan ti Leonel Nicolas, addaan ti umno a tawen, naasawaan ken residente ti General Segundo Ave. ditoy ciudad ti Laoag.
Basar ti PNP, kalpasan a nakareport ni Santos ken apaman a nakadanon iti barangay da ket kinomprontar ni Nicolas isuna ken maipagarop a tinungpa na iti namin-dua a daras.
Malaksid iti daytoy, maipagarop a kinomprontar pay ni Nicolas ti asawa ni Santos a ni Edwardson Santos y Eugenio, agtawen ti 59, naasawaan ken Barangay Kagawad iti nasao a barangay.
Naamoan a dati a dati a susik ti rason ti riri no sadinno nga atapen ni Nicolas a ni Gemma ti impormante dagiti pulis seknan ti pannakatiliw ti anak ti suspek gapo iti panaglabsing iti iligal a panagsusugal.
