LAOAG CITY – Maysa a babai ti natay kalpasan a maipagarop a nagtapwak iti madongan dam iti Barangay San Marcelino, Dingras, Ilocos Norte.
Daytoy ti kinumpirmaran ni Barangay Chairman Norbert Calaoagan ti nasao a barangay.
Binigbig na ti biktima a ni Leonida De Guzman, addaan iti umno a tawen, naasawaan, taga Nueva Ecija ngem naikamang ti nasao a barangay.
Inlawlawag ti kapitan a maymaysa ti biktima a nagturong iti dam ken nakilugan laeng ti kurung-kurong.
Innayon na a sakbay a nasarakan ti bangkay ti biktima ket naibaga na ti “no nalaka ti aglemmes nga agpakamatay ket aglemmesakun”.
Mamati ni kapitan Calaoagan a mabalin nga iti panag-dive ti biktima ket naitupar ti ulo na ken daytoyen ti possible a nakalmesan ken nakatayan na.
Segun ken ni Calaoagan, mabalin a na-depress ti biktima iti saan pay a masinunuo a rason.
