LAOAG CITY – Mapukpukaw ti maysa a babai a nabigbig ti nagan a Elizabeth Villanueva y Gan, agtawen ti 23 addaan ti live-in partner ken residente iti Bgy. # 17 Ngabangab iti ili ti Pasuquin.
Segun ken Efren Villanueva y Respicio, agtawen ti 65 naasawaan , awanan trabaho ken residente iti Brgy. # 5, Davila iti nasao met la nga ili, ama ti mapukpukaw, nagpakada ti balasang na iti bigat di Marso 18 tapno mapan na alaen ti motorsiklo na iti dati a live in na a ni Jordie Oppic, agtawen ti 28, construction worker ken residente iti Brgy. #12 Puyupuyan wenno t Brgy. #5 Davila, iti met la nasao nga ili ngem saanen a nagsusubli wenno saan dan a nakita pay.
Pinadas a binirok ken tinawagan dagiti posible a papanan ngem saan da a nabirukan isut gapo a nagkamang da iti PNP-Pasuquin.
Insigida met nga inyetnag ti PNP Pasuquin ti flash alarm ti nasao a mapukpukaw a babai.
