LAOAG CITY – Maladingitan ni Midarlo Balico, addaan ti umno a tawen, maysa nga agtaltalon ken residente ti Bgy, 22 iti nasao nga ili kalpasan a naduktalan na a natayen ti taraken na a baka bayat a nakawarwar iti tengnga ti kataltalunan.
Segun kenkuana, mapan na koma iyakar ti baka na nga agbalor iti 10 agingga iti 12 a ribo a pisos ngem nasdaaw gapu ta natayen kalpasan nga inikkat da ti dua a lapayag na ken dua a sakana iti likod.
Kuna na a pinadas na ti damdamag no adda ti nakakita da ngem awan ti nagbanagan na.
Gapu iti nasao situasyon, kapilitan a pinartin ni Balico ti baka na ken sinida ken dagiti dadduma ket inlako na.
Agtultuloy ti imbestigasyon mainaigt iti naikkat a dua a lapayag ken dua a saka iti likod na a taraken a baka ni Midarlo balico iti Bgy. 22 iti ili ti Sarrat.
Segun ken ni P/C/Insp. Roldan Suitos, Hepe ti Pulisya ti nasao nga ili, iti laksid a mairamraman ni Christopher Paulino, maysa a Bgy. Tanod iti nasao met la a barangay nga immun0-unan a natiliwan ti paltog nga awanan ti lisesniya na ket saan ambalin a maimameg iti pannakata ti baka ni Balico.
Daytoy ket gapu ta awan ti mangayat nga agtestigo panggep ti nasao a banag.
Kuna ni Suitos nga uray ibaga da nga adda nakakita ken ni Paulino a nagsida ti kokod ti baka ket saan a mabalin nga ibaga a ti sinada ket ti baka ni Balico.
Nupay kasta kuna ni Suitos nga ikauneg da ti agimbestigar seknan ti nasao a pasamak.
