LAOAG CITY – Natay ti maysa a lalaki kalpasan a nalmes iti baybay iti Barangay Pangil, Currimao, Ilocos Norte
Nabigbig ti biktima a ni Ryan Sarmiento, agtawen ti 31, baro ken taga San Pedro, Laguna.
Segun ti report, napan nagdigdigus ti biktima kadwa na dagiti papagayam na a da Grace Pacamara, agtawen ti 36, maysa a dentista, ken ni Jessica Galzote, agtawen ti 23, dentistry student, ken residente iti Barangay Pangil iti ili a Currimao.
Naamoan a bayat ti panagdidigus dagiti maseknan ket naripar ni Galzote a malmalmes ti biktima.
Inkarigatan da nga isalakan ti biktima ngem napaay dagitoy gapu ta idi intaray da iti Municipal Health Center iti ili a Currimao ket naideklara a dead on arrival babaen ken ni Dr. Ma. Cristina Pingao, Municpal Health Officer.
