LAOAG CITY – Nabirukan a maysan a bangkay ti agnagan iti Dominga Bareng, agtawen ti 85, balo, ken agin–indeg iti apartment a kukua ti agnagan ti Alicia Bangloy iti Brgy. 17, ditoy ciudad ti Laoag.
Iti imbestigasyon ti PNP Laoag, maysa nga agnagan iti Mary Anne Padaca agtawen ti 55, awanan asawa, agindeg iti Brgy. 5 ditoy ciudad ti Laoag iti nagturong iti apartment ti biktima tapno ikkan na ti makan ngem ti ridaw ti apartment ket nakalock.
Gapu iti nasao a rason, inawagan ni Padaca ti caretaker ti nasao nga apartment nga agnagan ti Edgar de los Trinos, agtawen ti 67 tapno agpatulong para iti panakalukat ti kuwarto ti biktima.
Ket idi nakastrek da iti uneg ti kuwarto ti biktima ket nakita da a nakapakleb iti datar ti comfort room.
Posible a saan pay a nabalanse ti biktima ti bagi rason ti pannakatumba na a nakapagleb.
Segun ken ni Dr. Renato Mateo, City Health Officer, a ti rason a pimmusayan ti biktima ket gapu ti makunkuna a Acute Myocardial Infarction secondary to accidental fall ken addan agarup 4 agingga ti 5 nga oras a natay.
Rumrumuar pay a ti biktima ket agsagsagaba ti hypertension a posible a naatake rason ti nakatumbaan na.
