LAOAG CITY – Dead on arrival ti maysa a baket kalpasan a napaltogan idiay Brgy. Ester iti ili ti Vintar, Ilocos Norte.
Nabigbig ti biktima a ni Cecilia Gamyao y Leaño, agtawen ti 77, balo ken residente ti Sitio Sumingising iti nasao a barangay.
Ti imbestigasyon ti PNP-Vintar, nakatugaw ti biktima iti uneg ti balay da kadua na ti anak na a ni Arlene Bacdayan, agtawen ti 42, balo ken residente ti nasao a lugar.
Segun kenni Bacdayan, kabayatan nga ada isuna iti dining table da ket nakangeg ti putok ti paltog ken nangeg na ti ina na a nagpukkaw ti “apo” ken idi kinita na ti ina na ket isu metten ti napaltogan.
Dagus a naitaray iti Piddig District Hospital iti ili ti Piddig ngem naideklara a dead on arrival babaen kenni Dra. Lorna Ernaez.
Nakarekobre met dagiti otoridad ti maysa a kapsula ti 12 gauge shotgun ken uppat a pellets ti nasao metla a paltog.
Naamoan a ti biktima ket natamaan ti akin kannigid a bukot.
Agpapan ita ket awan pay ti maestablisar dagiti otoridad a rason wenno motibo ti nasao a pammaltog.
