LAOAG CITY – Mapukpukaw ti maysa a balasang a nabigbig iti nagan a Sheila Dela Cruz y Dela Cruz, agtawen ti 20 Grade 12 student ti Bingao National High School ken residente iti Brgy 19, San Lorenzo, iti ili a San Nicolas.
Segun ken ni Mildred Salvador y Dela Cruz, agtawen ti 49 naasawaan, maysa a manalon ina ti mapukpukaw a balasang ken residente iti Brgy Aguitap, iti ili a Solsona, tinawagan isu na ti kabsat na a ni Annabelle Miguel y Dela Cruz, agtawen ti 47 naasawaan ken residente ti Brgy 19,iti ili a San Nicolas a tinawagan isu na ti pagbasbasaan ti kaanakan na a masapul nga agreport da.
Daytoy ket gapu ta addan dua a lawas a saan a sumsumrek iti pagbasaan na.
Awan ti ammo ni Anabelle ikit ti mapukpukaw no ania ti rason a nagpukawan ti kaanakan na gapu ta awan met ti ibagbaga na a pariukot na.
Naudi nga arwaten ti balasang ket white V-neck shirt, blue denim pants ke pink rubber shoes ken agtayag daytoy iti 5’2” in height, medium built, fair complexion ket atiddog ti nangisit a book na.
Inyetnag metten ti PNP San Nicolas ti flash alarm iti mapukpukaw balasanga tapno tumulong amin nbga istasyon ti pulisya