LAOAG CITY – Inburay ti maysa a saanen a nagpainagan a babai ti nagbalin a kapadasan na iti maysa a nakamotorsiklo a lalaki bayat ti kaadda da iti boundary iti ciudad ti Laoag ken ili ti Bacarra.
Segun ti babai a nagkedkeden nga agpainagan, bayat a nakamotorsiklo nga agawid idiay Barangay Pasiocan iti ili a Bacarra ket adda ti immabay kenkuana a maysa a lalaki a nakamotorsiklo met laeng.
Inbatad na a nakigtot laengen idi bigla nga iniggaman ti lalaki ti barukong na.
Gapu ti pannaka-kigtot na ket nagikkis isut gapuna a nagsubli ti kadwa na a nakamotorsiklo met laeng.
Kinamat da ti saanen a nabigbig a lalaki ngem saan dan a nakamatan.
Naamoan a ti nagluganan a motorsiklo ti maniak a lalaki ket nalabbaga ti sango na ken puraw ti bagi na.
Manaig iti daytoy, agtinnulong ti PNP-Bacarra ken PNP-Laoag para iti pannakapatrolya ti nasao a lugar.
