LAOAG CITY – Mapilaan ti kaso a theft ti maysa a balasang kalpasan a nagtakaw iti Robinson’s mall iti San Nicolas, Ilocos Norte.
Nabigbig ti suspek a ni Sheena Mae Vila, agtawen ti 22, balasang ken taga Block 3 Kadima, Letre Road, Tonsuye, Malabon City.
Segun ti PNP, mismo a ti store manager, kadwa na ti security head ti nasao a mall ti nangtiliw ti nasao a suspek.
Daytoy ket kalpasan a nadiskubre na a saanna a binayadan dagiti innala na a badbado bayat a rumuar koman iti mall.
Naamoan nga umab-abot ti 16,700 a pisos ti balor dagiti bado a tinakaw ti nasao a suspek.
