LAOAG CITY – Pimmusay ti maysa a balasang kalpasan a nalmes ken kalpasan a simro ti sakit a kissiw iti Bgy. Pila ditoy ciudad ti laoag.
Nabigbig ti biktima a ni Jenny Simeon, agtawen ti 35, awanan asawa ken residente ti Sitio Ligsay ti nasao a barangay.
Segun ti PNP-Laoag, magmagna ti biktima iti igid ti irigasyon ti barangay da ket posible a simro ti kissiw na rason a natennag ken nalmes.
Kuna ni Dr. Joseph Adaya, RHU doktor ti City Health Office ti Laoag, nalmes ti biktima rason a pimmusay.
Nupay kasta, iwayat ti PNP – Laoag ti naun-uneg nga imbestigasyon seknan ti nasao nga insidente.
