LAOAG CITY – Saan a masigurado ni ABC Pres. Angel Ganal iti Bgy. 16 iti ili ti Sarrat no sadinno iti nakagatan ti lamok ti kabarangayan da a rason ti nagsakitan na iti dengue ken pimmuasyaan na.
Segun ken ni Ganal, inaramid da met amin a wagas ti panagdaldalos tapno maliklikan ti panagtaod dagiti lamok a posible a “carrier ti virus” ti sakit a dengue.
Kuna na a basar iti innuman na kadagiti nagannak ti biktima ket saan la nga iti balay da ti paggigiyan na ngem ketdi iti pay eskuwela da gapu ta grade 8 daytoy.
Maipalagip a pimmusay ni Lenvie Roxette Dabbay, agtawen ti 13 ken residente ti Bgy. 16 ti ili Sarrat bayat a maag-agasan iti hospital gapu iti sakit a dengue.
Impeksa met ti sibubukel a konseho ti nasao a barangay ti panakipagrikna da iti napasamak iti maysa a kameng ti pamilya ti nasao a biktima.
