LAOAG CITY -Mapukpukaw ti maysa a balasitang iti ili a Badoc.
Nabigbig daytoy a ni Jannah Denise Floresca, agtawen ti 14, awanan asawa estudyante ti Darat National High School ken residente ti Brgy. 2 Garreta, iti naso nga ili.
Segun iti palawag ni Terizalinda Floresca y Magbual, agtawen ti 73 balo, agtagibalay, ola ti mapukpukaw a a balasitang, iti cuerpo ti puliusya ti nasao nga ili, naudi a nakita ti apoko na idi Mayo 9 alas 11:00 iti bigat.
Kuna na a nagtalaw a saan a nagpakpakada iti nasao nga aldaw iti saanda nga ammo a rason.
Pinadas da a binirok ngem saan da a nabirukan isu a nagkamang da iti pulisya.
Insigida met nga inyetnag ti PNP-Badoc ti “flash alarm” ken inyumanda iti PNP-Prov’l office para iti panagtitinnulong da a biruken ti nasao a balasitang.
