LAOAG CITY – Dandani nauram ti maysa a balay iti Brgy. Lapaz iticiudad ti Laoag kalpasan a ginandat a puuran ti akin kukua ti balay a ni Romel Pascua.
Basar ti imbestigasyon, manarimaan nga agsigsigarilyo ni Pascua ken adda iti impluwensya ti nasanger idi ta gandaten na a puuran ti pagtaengan na.
Nupay kasta, dagus a nasebseban ti apoy babaen kadagiti karruba ni Pascua ken iti asawa na a ni Gina Pascua.
Naireport daytoy a pasamak iti Bureau of Fire Protection babaen iti ina ni Gina a ni Josefina Paulino.
Inlawlawag ni SFO2 Rolly Domingo a posible nga arson ti maipila a kaso kenni Pascua gapo ti gandat na a panagpuur ti balay na.
Inbatad na a nakontrolen ti apoy idi ta makadanon da iti nasao a lugar gapo ta bassit laeng daytoy.
