BOMBO LAOAG – Agtultuloy iti imbestigasyon ti Bureau of Fire Protection (BFP) mainaig iti pannakauram ti maysa a balay iti Barangay Camandingan idiay ciudad ti Batac.
Segun ti inisyal nga imbestigasyon, nagsindi ni Hermie Pascua iti sigarilyo ken inpurwak na iti balay na, karaman ti inusar na a posporo a nangitunda ti napasamak nga uram.
Saan pay a masinunuo no mano ti balor dagiti nadadael iti pannakauram ti balay ni Pascua.
Awan met dagiti nadangran iti insidente ken awan dagiti dadduma a balay a nairaman iti napasamak nga uram.
