LAOAG CITY – Narigatan dagiti pulis ti ciudad ti laoag a nangipatungpal ti search operation kontra iti maysa a balikbayan manipud Seattle, Washington, Estado Unidos ngem agin-indeg iti Bgy. 15 iti ciudad ti laoag.
Daytoy ket gapu iti maaipagarup a panagprobokar kasanguanan ken kabayatan ti operasyon.
Binigbig ni SPO3 Harold Nicolas, Hepe ti Intelligence Div. ti PNP- Laoag ken nangidaulo ti search, ti subject a ni Czerny Cariño agtawen ti 41.
Kuna ni Nicolas nga itay pay napan a tawen a simmangpet ni Cariño ngem adda report nga adda pannakinaig na ti illegal a druga rason nga inyalaan da ti search warrant.
Kas resulta ti operasyon, naala dagiti pulis ti 9 a dadakkel a plasctic sachet a naglaon iti maatap a shabu ken drug paraphernalia.
Narigatan pay dagiti pulis a lukatan ti vault nga adda iti uneg ti kuwarto na gapu iti pangkedked na ngem immanugot met laeng iti kamaudianan na a ti naglaon ket pappapel ken kuwarta.
Naamuan pay a kapilitan nga inyawid da ditoy Pilpinas ni Cariño gapu iti pannakinaiag na iti maipawil a druga kabayatan ti kaadda na idiay Amerika iti pammati nga agbalbaliw ngem kaskasdi.
Rumrumuar pay a maipagarup nga isu ti rason no apay a pimmusay ti ina na a ni dati a Bgy. Chairman Leonora Cariño.
Saan a maako ni Czerny Cariño iti Bgy. 15 iti ciudad ti laoag a kukua na dagiti narekubre a walo a dadakkel a plasctic sachet a naglaon ti maatap a shabu ken drug paraphernalia manipud iti kuwarto.
Kuna na a saan a kukua dagiti nasao a banag a narekubre dagiti pulis ken saan daytoy nga agus-usar.
Nupay kasta, kuna Nicolas, nga itinton korte ti pangipaneknekan ni Cariño ti kunaen a saan na a kukua dagiti naala da.
Kuna pay ni Nicolas, kinaagpaysuanan na ket adda iti drug watchlist ti suspek kalpasan nga invalidate da ti report nga adda paannakainaig na iti operasyon ti illegal a druga.
