LAOAG CITY -Naiserbi ti warrant of arrest kontra iti maysa a balud iti Ilocos Norte Provincial Jail (INPJ) ditoy ciudad ti Laoag.
Napan inserbi dagiti kameng ti pulisya ti warrant of arrest nga inparukt-at ni Hon. Judge Victor Pumigad iti MTC Abulog-Cagayan kontra kenni John Padaca y Domingo, agtawen iti 51, naasawaan ken residente iti Barangay 55-B, Bulangon ditoy ciudad ti Laoag gapu ti kaso na nga estafa.
Nairekomendar ti 16 a ribo a pisos a piyansa na para ti temporaryo a pannakawaya-waya.
Ni Padaca ket agdama a nakabalud iti INPJ gapu ti kaso na a carnapping.
