LAOAG CITY – Maysa a nalamiisen a bangkay ti nabirokan iti waig ti Brgy 36, Natba, iti ili a Bacarra, alas siete ti rabii idi Sabado
Nabigbig ti biktima a ni Gilbert Malagday, agtawen ti 43, awanan asawa, ken residente iti nasao a lugar.
Nakita da John Jhessel Garcia kenni Edwin Paulino, residente ti nasao a barangay, ti biktima a tengtenglen na ti barukong na.
Saan da nga inekspektar a pimmusay ti biktima.
Segun kenni Dr. Manuel Andres, RHU officer, uppat nga orasen a natay ti biktima idi nabirokan.
Kuna ti PNP awan ti foul play ti pannakatay ti biktima.
