LAOAG CITY – Inpakaammo ni Barangay Chairman Elmer Faylogna iti Brgy. San Lorenzo iti ili a Bangui a nagtalnan ti operasyon ti illegal a druga iti bukod na a barangay gapu ti agtultuloy ti panagsiput dagiti opisyal.
Kuna na nga aktibo pay ti Barangay Anti- Drug Abuse Council iti kampanya kontra ti illegal a druga iti nasao a barangay.
Segun kenni Faylogna, saan da a magulpe a siputan ti aktibidad iti tumunggal maysa dagiti personalidad iti bukod da a lugar gapu ta nawaras da met.
Mainaig iti daytoy, umabot met ti nasurok kumurang a 50 a drug surenderees ti agtultuloy a masipsiputan babaen kadagiti kameng ti BDAC ken ti PNP.
Iti pannakiuman ni Faylogna kadagiti maskenan ket nagsardeng dan iti illegal nga aktibidad ken dagitoy ket agtrabtabahon.
Inpakaammo na nga adda ti proyekto ti lokal a gobyerno ti Bangui nga idadaluoan ni Mayor Fidel Simato Jr. mainaig ti pannakaidalan dagiti maseknan iti counseling.
