LAOAG CITY – Inadmitir ni Barangay Kagawad Leonard Jacinto iti Brgy. 13 , San Nicolas nga isuna ti nangdangran iti maysa a kabarangayan na kabayatan ti panagririri da iti kallabes.
Segun kenni Jacinto, idi simmangpet a naggapo idiay ciudad ti Batac ket nadanunan na nga agsisinungbat dagiti tambay ken idi napan ket adda ti maysa brgy kagawad.
Inlawlawag na nga idi pinagsardeng na dagiti maseknan ket nagtalna da ngem agtultuloy latta nga agsao-sao ti asawa ti nadangran na a ni Zaldy Tomas a ni Mrs. Elizabeth Tomas.
Inbatad na a pinagtalna na ni Elizabeth gapo ta kalikagom na a saludsuden kadagiti maseknan no anya ti napasamak.
Nupay kasta, kunana a maipagarop a pinagsaw-an ni Tomas isuna ken naibaga na a kanunungan na ti nakasinnungbat na a nangitunda met ti panangsipat na ti rupa na.
Mainaig iti daytoy, kunana a basar ti istorya dagiti nagdamagan na ket gapo iti aso ni Tomas ti nagririryan da, no sadinno a nasagid ti taraken rason a rimwar daytoy ken nagpaberber ti motorsiklo iti sangwanan dagiti tambay.
Kabayatanna, nakasagana met ni Jacinto nga agsungbat iti anyaman a reklamo kontra kenkuana iti panagsasarita na intono bigat, aldaw ti Miyerkules.
