LAOAG CITY – Kinumpirmaran ni dati a Barangay Chairman Ancheto Pugyao iti Barangay Cacafean iti ili a Marcos ken Presidente iti Madongan Dam and River Resort Association ti nasao nga ili ti naidanun a reklamo ditoy Bombo Radyo.
Daytoy ket mainaig ti maipagarop a panangharass ti maysa a barangay tanud iti nasao a barangay ti maysa a grupo dagiti picnic goers a napan iti dam.
Inbatad ni Pugyao a ti barangay tanud a ni Prudencio Palacio ket nakaro ti bartek na idi napan na hinarass ti maysa a grupo.
Inlawlawag na a ti nasao a grupo ket ag-overnight da koma iti dam ngem gapu ti inaramid ni Palacio ket saandan nga intuloy.
