LAOAG CITY – Natay ti maysa a barito kalpasan a nagbekkel idiay Brgy. Lydia iti ili ti Marcos, Ilocos Norte.
Nabigbig ti biktikma a ni David Jone Gadia y Berdadero, agtawen ti 18, awanan ti asawa, mannalon ken residente iti nasao a lugar.
Segun ti imbestigasyon dagiti otoridad, idi kalman ket nakita ti ama ti biktima a ni Amor Pantaleon y Revilla a nakabitin ti anak na usar ti nylon.
Immuna iti daytoy, inbatad ti kabsat ti biktima a ni June Aries Gadia nga agsangsangit daytoy gapo iti maipagarop a saan da a pannakinnaawatan ti nobya na a nabigbig a ni Pear Olivet a taga Brgy. 23 ditoy ciudad ti Laoag.
Iti naiyuswat a naun-uneg nga imbestigasyon, nakita dagiti otoridad ti mensahe nga adda iti cellphone ti biktima a nagkunaan na nga agpakamatay.
Naitaray ti biktima iti Doña Josefa Edralin Marcos District Hospital ngem naideklara a dead on arrival babaen kenni Dr. Rolan Andres.
