LAOAG CITY – Natay ti maysa a lalaki kalpasan a naisaplit iti pispis na ti tali nga adda hood na a landok a pinagpaguyod da ti lugan ditoy ciudad ti Laoag.
Nabigbig ti biktima a ni Mario Arsuero, agtawen iti 17, agpapaay ti maysa a catering ken residente iti Barangay 13 ti nasao a ciudad.
Segun ti imbestigasyon ti PNP, pinaguyud ti maysa a jeep nga inturong ni James Anthony Isaac Antonio, agtawen iti 32, awanan ti asawa ken residente iti Barangay 22 ti ciudad ti Laoag ti maysa nga isuzu elf truck nga inturong met ni Gary Mangati Sagibo.
Naamoan a nagyan ni Arsuero iti ridaw ti jeep ngem aksidente a napugsaw ti tali a nagresulta ti pannakaisaplit na iti pispis na.
Naitaray ni Arsuero iti ospital ngem naideklara a dead on arrival.
Mainaig ti daytoy, nagtutulag lattan ti pamilya ni Arsuero ken ti agtagikua ti pagpapaayan na a catering nga ibaklay lattan ti naud-udi amin a magastos para ti pannakaitabon ti nasao a biktima.
